حلل موقعك الاليكترونى بأفضل خدمات تحليل المواقع

اختار الخدمة اللى تناسبك لتحليل موقعك الاليكترونى

كل شركة بغض النظر عن حجمها تحتاج الى ادوات لتحليل موقعها الاليكترونى ,بس قبل منعرف ايه الادوات اللى ممكن نستخدمها لتحليل الموقع لازم نعرف يعنى ايه تحليل موقع الاول؟؟..

_ تحليل البيانات الكمية والنوعية  وحركة المرور وعدد الصفحات والنقرات ومقارنته بالمنافسين فى مجال عملك.
_ محاولة تحسين الموقع الاليكترونى ولوصوله لبيدج رانك عالى علشان يوصل عميلك لموقعك بكل سهولة.

أدوات تحليل مسار نقر جمهورك على موقعك:

Google analytics
هى خدمة مجانية بتقدم احصاءات مفصلة عن زوار موقعك ,وهى من أبسط وأقوى عروض تحليلات الموقع المستخدمة  حاليا من قبل 50% من 10000موقع فى العالم , وهى خدمة بتساعدك تعرف مين زار موقعك وعرف موقعك ازاى ومنين وايه رد فعله او الاكشن اللى اخده  او دخل على صفحات ايه فى موقعك .

yahoo web analytics
خدمة متقنة اكتر وأبسط من #جوجل_انلتيكس وبتعرف عن طريقها زائرموقعك والتقارير الديموغرافية .

أدوات الاختبار والفحص:

Google Website Optimizer
دى اداه تخليك متستخدمش جوجل انلتيكس واختبار أجزاء صفحات الموقع من عناوين الى صور الى محتوى الى فيديوهات.

4Q by iPerceptions

هى أداة لمعرفة اللى بيقوم بيه زوارك على موقعك, ودخلوا على ايه فى صفحات موقعك , وكملوا اللى كانوا بيدوروا عليه فى موقعك ولو مكملوش ليه مكملهوش او ايه اللى مش عجبهم فى موقعك علشان كده خرجوا منه من غير ما يكملوا اللى كانوا بيدوروا عليه .وايه مدى رضا زوارك عن موقعك؟..

خدمات تحليل الشبكات الاجتماعية:

Facebook Insights
لو انت بتستخدم الفيسبوك كجزء من شغلك ,دى أفضل أداه بتقدم معلومات بالتفصيل عن الفانز واللايكات والكومنتات على بوستاتك ونسبة التفاعل مع البوست.

Twitalyzer
من أفضل التطبيقات اللى تقدر تعرف من خلال مستوى تفاعل التابعين ليك وتفاعلهم مع تغريداتك ومشاركتهم فى اعادة التغريد ..

طبعا دى كلها خدمات مجانية تقدر تستخدمها بمنتهى السهولة لتحليل موقعك او شغلك على الشبكات الاجتماعية ,بجانب الخدمات المدفوعة اللى تقدر من خلالها تحلل موقعك بدقة أكثر وبالتفاصيل . بس جرب الخدمات دى الاول وقول رأيك ايه أكتر خدمة ساعدتك وقدرت تحلل موقعك من خلالها.